Golovkın aýstralııalyq Denıel Gılmen bolatyn jekpe-jekke daıyndalýda (FOTO)
ASTANA. QazAqparat - Bokstan orta salmaq dárejesinde WBA (Super) men IBO boıynsha álem chempıony qazaqstandyq Gennadıı Golovkın aýstralııalyq boksshy Denıel Gılmen bolatyn jekpe-jekke daıyndalýda, dep habarlaıdy Vesti.kz.
32 jastaǵy sportshynyń jattyǵý jıyndary Kalıfornııadaǵy Big Bear jattyǵý bazasynda ótýde.
Eske sala keteıik, 33 jastaǵy Denıel Gılge qarsy kezdesý 26 shildede Nıý-Iorktegi 20 myń oryndyq Madison Square Garden arenasynda ótedi. Jekpe-jek HBO telearnasy arqyly kórsetilmek. Bul Gennadııdiń kásipqoı bokstaǵy 30-shy kezdesýi. Al WBA chempıony tıtýlyn 11-shi ret qorǵaıtyn bolady. Aıta keteıik, qazaqstandyq boksshy 29 kezdesýdiń 26-syn nokaýtpen jeńdi. Keshe chempıondyq kezdesýge arnalǵan bıletter satylymǵa túse bastady. Bul týraly Golovkınniń komandasy habarlady.
Sondaı-aq bıletterdi Ticketmaster kassalary men www.ticketmaster.com, www.thegarden.com saıttarynda onlaın túrde satyp alýǵa bolady. Eń arzan bılettiń baǵasy 25 dollar tursa, eń qymbaty - 500 dollar.
