Golovkın atyndaǵy sport kesheni xalyq úshin tegin bolady

ASTANA. QazAqparat - GGG atyndaǵy deneshynyqtyrý-saýyqtyrý kesheni "Sport nysandaryn damytý" baǵdarlamasy aıasynda salyndy. Qurylysqa jergilikti bıýdjetten 874 mln teńge jumsaldy, dep habarlaıdy QazAqparat tilshisi Qaraǵandy qalasynyń ákimdigine silteme jasap.

"Búgin zamanýı sport kesheniniń ashylý rásimine WBA, IBF, WBC jáne IBO tujyrymdary boıynsha álem chempıony Gennadıı Golovkın de qatysty. Óz jerlesine qoshemet kórsetý úshin shamamen on myń adam jınaldy. Jańadan ashylǵan deneshynyqtyrý-saýyqtyrý kesheniniń barlyq zaldary balalar úshin tegin bolady. Al keshki ýaqytta Oktıabr aýdanynyń úlken adamdary da sol jerge baryp, jattyǵa alady", - delingen ákimdiktiń resmı xabarlamasynda.

Aıta keteıik, búgin Gennadıı Golovkınniń týǵan jeri - Maıqudyqta jańa sport kesheni saltanatty túrde ashyldy. Úsh qabatty ǵımaratta basseın, mamandandyrylǵan aýyr atletıka zaly, minbeleri bar ámbebap sport oıyn zaly jáne boks zaly bar .