Golovkın ataǵynan aıyrylyp qalýy múmkin

ASTANA. QazAqparat - Boxingscene.com aqparaty boıynsha, 5 mamyrdaǵy jekpe-jekke qarsylas izdeý Gennadıı Golovkın men onyń komandasyn qıyn jaǵdaıǵa alyp keldi, dep habarlaıdy Sports.kz.

Belgili bolǵandaı, ýkraındyq Sergeı Derevıanchenkonyń ókilderi IBF-ke osy uıymnyń tıtýlyn mindetti qorǵaý úshin óz boksshysynyń GGG-men aıqasýyn suraǵan. Ýkraındyq boksshy osy belbeýdiń mindetti úmitkeri sanalady.

Gennadıı sońǵy ret osy tıtýldy 2016 jyly Domınık Ýeıdpen jekpe-jekte qorǵaǵan edi. Sondaı-aq, Golovkınniń potentsıaldy qarsylastary retinde amerıkalyq Vanes Martırosıan men brazılııalyq ıAmagýchı Falkao qarastyrylyp jatyr.

Eger IBF Derevıanchenko komandasynyń ótinishin qanaǵattandyryp, biraq Golovkınmen basqa bireý aıqasatyn bolsa, bul uıym ony óz tujyrymy boıynsha ony álem chempıony tıtýlynan aıyrýy múmkin.

Sondaı-aq, Golovkın belbeýdi joǵaltpaı, Derevıanchenkomen kezdesýge kelisse, rıngke 5 mamyrda emes, basqa kúni shyǵýǵa májbúr bolady.

IBF ázirge bul másele boıynsha sheshim qabyldaǵan joq.