Golovkın alǵash ret WBN nusqasy boıynsha jyldyń úzdik boksshysy atandy
ASTANA. QazAqparat - Brıtanııanyń WorldBoxingNews.net basylymy 2017 jyldyń qorytyndy atalymdarynyń jeńimpazdaryn jarııalady, dep jazady Sports.kz.
Redaktsııa nusqasy boıynsha jyldyń úzdik boksshysy ataǵyna qazaqstandyq Gennadıı Golovkın laıyqty dep tanyldy. Ol osy atalymda ýkraınalyq Vasılıı Lomachenko men amerıkalyq Terens Kroýfordty artqa tastady. «Golovkın úshin bıyl juldyzdy jyl boldy. Boksshy orta salmaqtaǵy chempıondyq beldikterin dıvızıonnyń ekinshi jáne úshinshi nómirlerine qarsy sátti qorǵady. Golovkın, Lomachenko jáne Kroýfordtardyń arasynan úzdigin tańdap alý qıyn boldy. Biraq Qazaqstan ókili karerasynda alǵash ret «Redaktsııa tańdaýyna» laıyq dep sanaımyz», - delingen maqalada.
Buryn GGG oqyrmandar pikirinshe qatarynan tórtinshi jyl úzdik boksshy bolǵan edi.
