Golovkın álemniń úzdik boksshylarynyń úshtigine kirdi
ASTANA. QazAqparat - WBA (Super), IBO jáne WBC (Interim) nusqalary boıynshpa bokstan orta salmaqtaǵy álem chempıony Gennadıı Golovkın salmaq sanatyna qaramastan álemniń úzdik boksshylarynyń úshtigine endi, dep habarlady Vesti.kz.
Boxrec.com nusqasy boıynsha P4P táýelsiz reıtıngi amerıkandyq Floıd Meıvezer men fılıppındik Mennı Pakıao arasyndaǵy urystan keıin jańartyldy. 12 raýndtyń qorytyndysymen tóreshilerdiń biraýyzdan daýys berýimen jeńis Meıvezerge berildi, ol WBA (Super) jáne WBC nusqasy boıynsha ataǵyn saqtap qaldy jáne Pakıaonyń WBO belbeýin ıelendi.
Sóıtip, Meıvezer 48-shi jeńisine qol jetkizip. R4R reıtiıngisindegi kóshbasshylyǵyn bekitti (2059 upaı). Pakıao mansabyndaǵy altynshy jeńiliske ushyrap, úshinshi orynnan segizinshi tarmaqqa tómen tústi.
Fılıppındik boksshynyń quldyraýy Golovkındi úshinshi orynǵa kóterdi. Qazaqstandyq tizimdegi ekinshi oryndy ıelenip otyrǵan Vladımır Klıchkoǵa jol berdi.
Budan buryn Pakıaony jattyqtyryp júrgen Freddı Roýsch qazirgi kezde Golovkın salmaq sanatyna qaramastan álemniń úzdik boksshysy bolyp qalyp otyr, degen bolatyn. Onyń aıtýynsha, qazaqstandyq boksshy Andre Ýordpen birge Floıd Meıvezerden joǵary turýy tıis.
