Golovkın álemdegi birinshi boksshy bolýy úshin Ýordty jeńýi kerek - Freddı Roých
ASTANA. QazAqparat - Amerıkandyq bapker Freddı Roých qandaı jaǵdaıda Gennadıı Golovkın álemniń salmaqtan tys úzdik boksshysy bolatynyn aıtyp berdi, dep habarlaıdy Sports.kz.
«Meniń oıymsha, G.Golovkınniń qarsylastary kóp bolǵanda, úzdik atanar edi. Biraq, qazir onyń qandaı da bir qarsylasy (orta salmaqtaǵy, onymen kezdesýge ázir) bar dep oılamaımyn, - dedi Roých Fighthub.com-ǵa bergen suhbatynda. Golovkın Meıvezerdeı bola ala ma degen suraqqa Roých:
- Eger Andre Ýordpen kezdesse, bul GGG úshin tamasha jekpe-jek bolar edi. Bul osy dáýirdiń salmaqtan tys úzdik boksshysy ataný úshin jasalýy tıis. Bul óte qıyn shaıqas bolady, sebebi Ýord - myqty boksshy. Ol kishkene sylbyrlaý, alaıda ol óte jaqsy boksshy», - dep jaýap berdi.
