Golovkın álemde fızıkalyq daıyndyǵy eń jaqsy 50 sportshynyń tizimine kirdi
ASTANA. QazAqparat - Amerıkanyń Sports Illustrated saıty «Fittest50» jobasy aıasynda álemniń fızıkalyq daıyndyǵy jaqsy jáne tózimdi sportshylarynyń tizimin qurastyrdy, dep habarlaıdy Sports.kz.
Erler arasynda úzdik 50 sportshynyń tiziminde 12-shi oryn álemniń orta salmaqtaǵy chempıony Gennadıı Golovkınǵa berildi. Aıta keteıik, qazaqstandyq sportshy reıtıngke usynylǵan jalǵyz boksshy boldy.
Birinshi oryndy jeńil atlet Eshton Iton, ekinshi oryndy - basketbolshy Lebron Djeıms alsa, úshinshi oryn krossfıt sportshy Ben Smıtke berildi.
