Golovkın álem chempıonynyń úsh tıtýly úshin aıqastyń qashan ótetinin aıtty

NUR-SULTAN. QazAqparat - IBF jáne IBO tuzyrymdary boıynsha orta salmaqtaǵy álem chempıony Gennadıı Golovkın (41-1-1, 36 KO) kelesi aıqasyna daıyndalyp jatyr, dep habarlaıdy QazAqparat Sports.kz-ke silteme jasap.

GGG AQSh-ta Djonaton Benkstiń basshylyǵymen jattyǵýǵa kiristi. Gennadıı ekeýiniń birge túsken sýretin áleýmettik jelige jarııalap, mynadaı jazba qaldyrdy:

«Jattyǵý lagerine oralyp, óz komandammen qaıta qaýyshqanyma qýanyshtymyn. Taıaýda Japonııadaǵy birlesken aıqastyń datasy jarııalanady dep úmittenemin. Daıyndalyp jatyrmyz».

Eske salaıyq, Golovkınniń kelesi qarsylasy WBA Super tıtýlynyń ıegeri Rıota Mýrata (16-2, 13 KO) bolýy tıis. Olardyń jekpe-jegi 2021 jyldyń sońyna josparlanǵan edi, biraq Japonııada karantın sharalarynyń qatańdatýyna baıdanysty keıinge qaldyryldy. Endi jekpe-jek kóktemde ótedi dep kútilýde.