Golovkın álem chempıonymen birlesip jekpe jek ótkizýge kelisti

NUR-SULTAN. QazAqparat - IBF jáne IBO nusqalary boıynsha orta salmaqtaǵy álem chempıony Gennadıı Golovkın osy sanattaǵy WBA Super tıtýlynyń ıegeri Rıoto Mýratamen birlesip jekpe jek ótkizý týraly kelisti. Bul týraly QazAqparat Sports.kz saıtyna silteme jasap habarlaıdy.

ESPN ınsaıderi Maık Koppındjerdiń málimetinshe, judyryqtasýdy 28 jeltoqsan kúni Kobada (Japonııa) ótkizý josparlanǵan. Boksshylar sonymen qatar bul jekpe jekti ótkizý úshin DAZN strımıngtik servısten ruqsat alýy tıis.

Atap ótý kerek, eki qarsylas rıngke uzaq ýaqyt boıy shyqpaǵan. Golovkın sońǵy ret rıngke 2020 jyldyń jeltoqsanynda shyǵyp, onda polıak boksshy Kamıl Sheremetany súrindirgen edi. Mýrata bolsa, sońǵy ret 2019 jyldyń jeltoqsanynda judyryqtasyp, Kanada boksshysy Stıven Batlerdi jeńgen bolatyn.