Golovkın aldaǵy jekpe-jekke daıyndyǵyn kórsetti

NUR-SULTAN. QazAqparat - Qazaqstandyq boksshy Gennadıı Golovkın jelidegi paraqshasynda meksıkalyq Saýl Alvarespen (Kanelomen) ótetin aldaǵy úshinshi jekpe-jekke daıyndyǵyn kórsetetin birneshe fotosýret jarııalady.

«Jańa jumys aptasy bastaldy»,- dep jazdy boksshy.

Aıta ketsek, boks keshi 17 qyrkúıekte Las-Vegasta ótedi. Golovkın men «Kanelo» úshinshi ret jekpe-jekke shyǵady. Bul joly Alvares ekinshi orta salmaqtaǵy absolıýtti álem chempıony ataǵyn báske tigedi.

«40 jastan asqanda ózińdi basqasha sezinesiń jáne 35 jaspen salystyrǵanda basqasha kórinesiń. Meniń jańa jattyqtyrýshym bar. Bizdiń jattyǵý protsesimiz de basqasha. Sońǵy tórt jyl ońaı bolmady. Tórt jyl — bul tórt sport maýsymy. Kez kelgen komandalyq sport túrin alyńyzshy — fýtbol nemese basketbol — sońǵy tórt maýsymda ne ózgergenin qarańyz. Ásirese mansabym aıaqtalatyn kezeńde naqty aıtý qıyn. Kóp nárse aıta berýge bolady. Sodan beri ózimde kóp ózgeris boldy», - dedi qazaqstandyq boksshy tilshige bergen suhbatynda.