Golovkın aldaǵy revanshta qandaı tásil qoldanbaq

ASTANA. QazAqparat - Promoýter Tom Leffler Secondsout.com-ǵa bergen suhbatynda qazaqstandyq boksshy Gennadıı Glovkınge meksıkalyq Saýl Alvarespen revanshy kezinde nege erekshe nazar aýdarýy kerektigi týraly aıtty, dep habarlaıdy Sports.kz.

«Gennadıı men Sanches birge otyryp, barlyǵyn aqyldaspaqshy. Birinshi jekpe-jekte 12 raýndtyń 8-inde jeńiske jettik. Qarymta jekpe-jekte jyldam áreket etý kerek. Qattyraq soqqy berip, soqqylardy dóp tıgizýi tıis. Birinshi aıqaspen salystyrǵanda, Alvarestiń ózine senimdiligi artty, sebebi ol Golovkınge qarsy 12 raýnd boıy turǵan ekinshi boksshy», - dedi Leffler.

Eske salaıyq, Golovkın - «Kanelo» revanshy 5 mamyrda ótedi. Jekpe-jek taǵy da Las-Vegasta ótedi dep kútilýde.