Golovkın Alvarespen jekpe-jekke qanaǵattanǵan joq - Tom Leffler
ASTANA. QazAqparat - IBF/IBO/WBA/WBC nusqalary boıynsha álem chempıony Gennadıı Golovkınniń promoýteri Tom Leffler Alvareske qarsy revansh jónindegi kelissózderdiń júrgizilý barysy týraly aıtty, dep habarlaıdy Sports.kz.
«Bizde qatań belgilengen dedlaın joq, biraq eger Alvares Gennadıımen judyryqtasýdan bas tartatyndyǵyn aıtsa, biz basqa jaǵdaılardy izdeýge májbúr bolamyz. Alvarespen ótetin revansh - eń úlken jekpe-jek, ol Gennadıı úshin negizgi aıqas. Jankúıerlerimiz kútip otyrǵan jekpe-jekti uıymdastyra alamyz ba, joq pa - sony túsiný úshin Golden Boy Promotions-pen úzbeı qarym-qatynas jasap kelemin. Revansh negizgi másele bolǵanmen, Gennadııdiń de sporttyq mansabyn tejeı de almaımyz. Golovkın revansh ótkizgisi keledi, óıtkeni birinshi jekpe-jekke ol qanaǵattan joq. Alvares mamyrǵa deıin eshkimmen judyryqtaspaıtynyn aıtty, biraq revansh ótkizgisi kele me, joq pa, biz sony túsinip alýymyz kerek», - deıdi Leffler BoxingScene.com-ke bergen suhbatynda.
