Golovkın Alvarespen jekpe-jekke daıyndyǵyn bastady
ASTANA. QazAqparat - Orta salmaqta WBC/WBA/IBF/IBO nusqalary boıynsha álem chempıony Gennadıı Golovkın Saýl «Kanelo» Alvareske qarsy revanshqa daıyndala bastady, dep habarlaıdy Sports.kz.
Týıtterde GGG-men túsken sýretin amerıkalyq jas sportshy Lýıs Anhel Felısıano jarııalady.
Boksshynyń sózine qaraǵanda, kadr búgin Abel Sanchestiń lagerinde túsirilgen.
«Búgingi jattyǵýdan keıin BiGGGDramaShow-men birge», - dep jazdy Felısıano.
Golovkın men Alvarestiń aldaǵy kezdesýi 5 mamyrda ótedi. Aıtýly aıqas ótkiziletin oryn resmı túrde áli jarııalanǵan joq. Degenmen, boks qoǵamdastyǵy osy jekpe-jek taǵy da Las-Vegastaǵy T-Mobile Arena-da ótedi degen pikirde. Odan basqa Nıý-Iorktegi Madison Square Garden kesheni de jekpe-jekti ótkizýge úmitker bolyp otyr.
