Golovkın Alvarespen jekpe-jekke arnalǵan jabdyǵyn aldy
ASTANA.QazAqparat - Qazaqstandyq boksshy Gennadıı Golovkın (37-0, 33 KO) demeýshileriniń biri - aty ańyzǵa aınalǵan basketbolshy Maıkl Djordan men Nike kompanııasynyń birlesken saýda markasy Jordan-da boldy, dep jazady Sports.kz .
«Gennadıı Portlendegi Nike kampýsynda Jordan-ǵa kelip, 16 qyrkúıek kúngi «Kanelomen» jekpe-jekke kerekti sporttyq kıim-keshekteri men jabdyqtaryn aldy», - dep jazdy Golovkınniń uıymdastyrýshysy Tom Leffler óziniń Týıtterdegi paraqshasynda.
Aıta keteıik, Golovkın atalmysh kompanııamen ótken jyldyń sáýir aıynda kelisimshart jasasty. Sodan beri WBA (Super), WBC, IBF jáne IBO tujyrymy boıynsha ortasha salmaqty álem chempıony túrli jarystarǵa osy brendtiń kıimderimen shyǵady, al kompanııa óz kezeginde boksshyǵa arnap aıryqsha kıim men aıaq kıim shyǵarady.
Golovkın men Alvarestiń aıqasy 16 qyrkúıek kúni ótedi. 1XBET býkmekerlik keńsesi bul jekpe-jekte jeńiske úmitker - qazaqstandyq boksshy dep sanaıdy.
