Golovkın Alvarespen jekpe-jek ótkizý merzimi jaıly áńgimeledi
ASTANA. QazAqparat - WBC, WBO jáne IBF boıynsha orta salmaqtaǵy álem chempıony, 34 jastaǵy qazaqstandyq boksshy Gennadıı Golovkın (35-0) eki salmaq sanatyndaǵy burynǵy álem chempıony, 25 jastaǵy meksıkandyq boksshy Saýl Alvarespen (47-1-1) jekpe-jek ótkizý merzimi jaıly áńgimeledi, dep habarlaıdy Sports.kz.
«Bul aqylsyzdyq. Saýl óziniń komandasy men promoýterin uıatqa qaldyrdy. Múmkin, kelesi jyly kezdesermiz, eki jyldan keıin jekpe-jek ótkizýimiz múmkin. Tipti úsh jyldan keıin de aıqasqa túsýimiz bek múmkin», - dedi Golovkın.
Saýl Alvares 7 mamyr kúni orta salmaqta (72,6 kelige deıin) WBC belbeýin sátti qorǵady, altynshy raýndta birinshi orta salmaq boıynsha (63,5 kelige deıin) burynǵy álem chempıony Amır Handy (31-4) nokaýtqa jiberdi. Aıqastan keıin meksıkandyq boksshy komandasy Gennadıı Golovkın ókilderimen kelissózder júrgize bastady. 24 mamyrǵa deıin qos tarap jekpe-jekti uıymdastyrý jaıly kelisimge kelýi kerek edi.
19 mamyrda meksıkandyq Alvares WBC belbeýinen bas tartty, biraq Gennadıı Golovkın komandasymen kelissózder júrgizý jalǵasyp jatyr. Eń abyroıly tórt ataqtyń úshinshisin jeńip alǵan qazaqstandyq Golovkın WBC sanaty boıynsha orta salmaqta (72,6 kelige deıin) tolyq quqyly álem chempıony atandy.
Golden Boy Promotions basshysynyń jáne alty salmaq kategorııasyndaǵy burynǵy álem chempıony, 43 jastaǵy amerıkandyq Oskar De La Hoııanyń (39-6) aıtýynsha, Golovkın men Alvares arasyndaǵy jekpe-jek 2017 jyly bolady. Boksshylar komandasy ózara aýyzsha kelisimge kelgen.
Gennadıı Golovkın óziniń kelesi jekpe-jeginde IBF boıynsha jartylaı orta salmaqtaǵy (66,7 kelige deıin) álem chempıony, 30 jastaǵy brıtandyq Kell Brýkpen (36-0) kezdesedi. Kezdesý 10 qyrkúıek kúni Londondaǵy O2 arenasynda ótedi. Saýl Alvares 17 qyrkúıek kúni Tehasta (AQSh) WBO boıynsha alǵashqy jartylaı salmaqta (69,85 kelige deıin) álem chempıony, 27 jastaǵy brıtandyq Lıam Smıtke (23-0-1) qarsy rıngke shyǵady.
