Golovkın Alvarespen úshinshi aıqasy ótetin Las-Vegas qalasyna keldi

LAS-VEGAS. QazAqparat - WBA Super, IBF jáne IBO nusqalary boıynsha orta salmaqtaǵy álem chempıony Gennadıı Golovkın óz komandasymen birge Las-Vegasqa keldi, dep habarlaıdy QazAqparat.

«Vegastamyz. Jekpe-jek aptasyna daıynbyz», - dep jazdy G.Golovkın Facebook-tegi jeke paraqshasynda.

Eske salaıyq, 17 qyrkúıek kúni Las-Vegasta Golovkın Saýl «Kanelo» Alvarespen úshinshi jekpe-jegin ótkizedi. Olar ekinshi orta salmaqtaǵy álem chempıonynyń barlyq tıtýly úshin talasady.

Qazaqstan ýaqyty boıynsha kezdesý 18 qyrkúıek kúni tańǵy saǵat 05.00-de bastalady. Basty sheshýshi aıqas shamamen saǵat 8:00-de bolady. Elimizde tikeleı translıatsııany «Qazsport» telearnasy júrgizedi.

Foto: instagram.com/gggboxing