Golovkın Alvarespen Meksıkada judyryqtasýǵa daıyn
ASTANA. QazAqparat - Gennadıı Golovkın Saýl Alvarespen Meksıkada kezdesý ótkizýge daıyn ekenin aıtyp, Mehıkoǵa jasaǵan sapardan alǵan áserimen bólisti, dep habarlady Sports.kz.
«Bul jankúıerler úshin de, biz úshin de jaqsy bolady. „Atsteka" stadıony tamasha. Men ony tikushaqta otyryp kórdim. Hýlıo Sezar Chaves bul jerde 130 myń jankúıer aldynda judyryqtasqany esimde», - degen Golovkınniń sózderin Boxingscene.com keltirdi.
«Bul meniń Mehıkoǵa ekinshi saparym boldy (WBC beldeýin alýǵa kelgende). Beldeýdi alǵanyma rızamyn. Januıam jáne WBC chempıondary, Qazaqstan Elshisi menimen birge boldy, bul óte mańyzdy shara».
