Golovkın Alvarespen kezdeser aldynda eń kemi úsh jekpe-jek ótkizedi
ASTANA. QazAqparat - K2 Promotions promoýteri Tom Leffler WBA/WBC/IBO/IBF nusqalary boıynsha orta salmaqtaǵy álem chempıony Gennadıı Golovkın 2017 jyldyń kúzine josparlanǵan Saýl «Kanelo» Alvarespen kezdesýine deıin úsh ret sharshy alańǵa shyǵýy yqtımal, dep habarlady Sports.kz.
Lefflerdiń sózine qaraǵanda, qyrkúıektegi Gennadıı men Kell Brýk jekpe-jeginen keıin, qarasha nemese jeltoqsan aıynda GGG taǵy bir jekpe-jegin ótkizý josparlanǵan. Budan keıin Golovkın 2017 jyldyń alǵashqy 4 aıynda sharshy alańǵa oralady dep kútilýde. Qazaqstandyqtyń qarsylastary ázirge belgisiz, alaıda WBA Golovkınge óz tıtýlyn Denıel Djeıkobstan qorǵaý talabyn qoıýy múmkin.
«Gennadıı Kanelomen kezdesýge deıin shamamen úsh jekpe-jek ótkizedi», - dedi Leffler Boxingscene.com-ǵa bergen suhbatynda.
