Golovkın-Alvares jekpe-jeginiń bıletteri túgel derlik satylyp ketti
ASTANA. QazAqparat - WBA (Super), WBC, IBF jáne IBO nusqalary boıynsha álem chempıony Gennadıı Golovkın men meksıkalyq Saýl Alvarestiń jekpe-jegine bıletter kezdesýdiń ótýine eki aıǵa jýyq ýaqyt qalǵanda túgel derlik satylyp ketti.
Golovkın men Alvares 16 qyrkúıekte Las-Vegastaǵy 21 myń adam syıatyn T-Mobile arenasynda kezdesedi. Qazirgi ýaqytta 20 myń bılet satylyp ketken.
«Bıletter jyldam satylyp jatyr. Sońǵy derekter boıynsha myńǵa jýyq qana bılet qalǵan», - dep habarlaıdy Golden Boy promoýterlik kompanııasynyń prezıdenti Erık Gomes ESPN-ge bergen suhbatynda.
Bılet baǵasy 300 dollardan bastalady.
