Golovkın -Alvares jekpe-jegine jankúıerlerdiń rekordtyq sany kelýi múmkin
ASTANA. QazAqparat - «GoldenBoy» promoýterlik kompanııasy Golovkın men Alvarestiń jekpe-jegin ótkizetin orynǵa qatysty saýalnamanyń qorytyndysyn jarııalady, dep habarlaıdy QazAqparat tilshisi.
Tvıtter áleýmettik jelisi arqyly júrgizilgen saýalnamanyń nátıjesine sáıkes, jankúıerlerdiń basym bóligi AQSh-tyń Dallas qalasyndaǵy «AT&TStadium» arenasyn tańdady. Atalǵan sport kesheni 100 myń adamǵa eseptelgen. Saýl «Kanelo» Alvarestiń promoýteri Oskar De La Hoııanyń aıtýynsha, aldaǵy jekpe-jekte ondaı aýdıtorııa jınalýy ábden múmkin. Osy joly 100 myńǵa jýyq jankúıer jınalsa, Golovkın men Alvares AQSh-ta jankúıerlerdiń sany jaǵynan jańa rekord ornatady. 1978 jyly Jańa Orleanda ótken Muhammed Álı men Leon Spıkstińjekpe-jegine 63 500 adam jınalǵan edi. Osydan keıin osy kórsetkishke eshkim jete almady.
Aıta keteıik , aǵymdaǵy jyly 16 qyrkúıek kúni WBA Super, WBC, IBF jáneIBO nusqasy boıynsha orta salmaqtaǵy álem chempıony Gennadıı Golovkın meksıkalyq Saýl «Kanelo» Alvarespen kezdesedi. Ol jaıynda boksshylar ótken demalys kúnderi ótken aıqastan keıin jarııalady. Sol jekpe-jekte Alvares óziniń jerlesi kishiChavesti upaı sanymen utqan bolatyn. Aldyn ala boljamǵa sáıkes, Alvarestiń sońǵy aıqasy GGG-den jeti ese artyq PPV jınady.
