Golovkın-Alvares jekpe-jegine arnalǵan kezekti beınebaıan jarııalandy
ASTANA. QazAqparat - GTV Boxing arnasy Gennadıı Glovkın men Saýl Alvarestiń aldaǵy jekpe-jegine arnalǵan beınebaıandy jarııalady. Atalǵan jekpe-jek 16 qyrkúıekte ótedi, dep xabarlaıdy QazAqparat tilshisi.
Aıta keteıik, buǵan deıin YouTube-taǵy GOAT Boxing arnasy Gennadıı Golovkın men Saýl «Kanelo» Alvarestiń nokaýttaryn salystyryp, arnaıy beınerolıkti jarııalaǵan bolatyn. Osydan keıin «Total war», ıaǵnı «Qyrǵyn soǵys » dep atalatyn promorolık shyqqan. Sondaı-aq, Golovkın men Alvaresti mýltıplıkatsııalyq fılmniń keıipkerleri retinde kórsetken. Gizza Sport pen HBO Sports ta óz promorolıkterin jarııalady. Jaqynda ǵalamtorda taraǵan bes mınýttyq promorolık te óte qyzyqty bolyp shyqty.
Al GTV Boxing arnasynyń jańa beınebaıanynda tanymal boksshylardyń aldaǵy jekpe-jekke qatysty pikirleri toptastyrylǵan. Budan bólek, Gennadıı Golovkın men Saýl Alvarestiń suxbattary bar.
