Golovkın - Alvares jekpe-jeginde kim jeńedi - býkmekerlerdiń boljamy
ASTANA. QazAqparat - Eýropada keńinen tanymal "PaddyPower" býkmekerlik keńsesi Golovkın - Alvares jekpe-jegine tigiletin básterdi qabyldaı bastady.
Biraq bul keńse TMD aýmaǵynda jumys istemeıdi, dep xabarlaıdy QazAqparat tilshisi.
PaddyPower-diń boljamyna sáıkes, 16 qyrkúıekte ótetin jekpe-jekte WBA Super, WBC, IBF jáne IBO nusqasy boıynsha orta salmaqtaǵy álem chempıony, qazaqstandyq Gennadıı Golovkın jeńimpaz atanady degen múmkindik basym bolyp tur. Onyń jeńisi qoıylǵan koeffıtsent 1,57-ti qurasa, Alvarestiń jeńisine 2,5 koeffıtsenti qoıyldy. Al aıqas teń aıaqtalady degen boljam 21-ge baǵalanyp otyr. Qazaqstannyń býkmekerleri bolsa, óz boljamyn áli jarııalaǵan joq.
Aıta keteıik , búgingi jekpe-jekten keıin meksıkalyq Saýl Alvares rıngke Gennadıı Golovkındi shaqyrdy. Sol jerde eki boksshy aǵymdaǵy jyly 16 qyrkúıek kúni judyryqtasatyndaryn jarııalady. Osydan keıin eki boksshynyń komandalary baspasóz máslıxatyn ótkizdi. Sol jerde Golovkın jáne Alvares alǵash ret kóz arbasty . Jekpe-jek AQSh-tyń Las-Vegas qalasynda ótetin boldy .
