Golovkın - Alvares jekpe-jegin 2020 jylǵa josparlap otyrmyz - DAZN

NUR-SULTAN. QazAqparat - DAZN strımıng platformasynyń ókili Djo Markovskı meksıkalyq boksshy Saýl Alvarestiń (52-1-2, 35 KO) qazaqstandyq Gennadıı Golovkınmen (40-1-1, 35 KO) úshinshi jekpe-jekke qatysty pozıtsııasyn túsindirdi, dep habarlaıdy Sports.kz.

«Kanelonyń» oıynsha, ol Golovkındi eki ret tize búktirdi. Sondyqtan Alvares Sergeı Kovalevpen judyryqtasyp, ózin taǵy bir synap kórmekshi. Degenmen, kóptegen jankúıerler «Kanelo» - Golovkın aıqasyn taǵatsyzdana kútip júr. Eger Alvares Kovalevti jeńse, Golovkınmen úshinshi jekpe-jek týraly kelissóz qaıta jandanýy múmkin. Biz ol kezdesý 2020 jyly ótedi dep josparlap otyrmyz», - dedi Markovskı.

Buǵan deıin «Kanelo» Golovkınmen teketires osymen bitkenin, úshinshi jekpe-jekti qarjylyq turǵyda ǵana qarastyrýǵa bolatynyn aıtqan edi.