Golovkın-Alvares jekpe-jegi úlken shoý - Myrzaǵalı Aıtjanov

ASTANA. QazAqparat - Bokstan Qazaqstan ulttyq quramasynyń bas bapkeri Myrzaǵalı Aıtjanov qazaqstandyq boksshy Gennadıı Golovkın men meksıkalyq Saýl Alvarestiń jekpe-jegine baılanysty QazAqparat tilshisine shaǵyn suhbat berdi.

- Myrzaǵalı Qulanuly, búgin AQSh-tyń Las-Vegas qalasynda ótken jekpe-jekte qazaqstandyq boksshy Gennadıı Golovkın men meksıkalyq Saýl Alvarestiń boks keshinde kim basym boldy dep oılaısyz?

 - Men bul boks keshinen Saýl Alvarestiń  Gennadıımen teń dárejede judyryqtasqanyn kórgen joqpyn. Jalpy, 12 raýndtyń 9-ynda Gennadıı basym tústi. Al úsh raýndta ǵana Alvares óz múmkindigin paıdalandy dep esepteımin.

- Negizi, osy aıqastan nogdaýyn, nokaýd kúttińiz be?

- Bul eki myqty arasynda ótken aıqas bolǵandyqtan áý basta, nokaýd bolmaıtyny belgili boldy.  Óz basym 12 raýndqa sozylatynyn aldyn ala sezdim. Biraq aıqas teń dárejede aıqas bolady dep oılaǵan joqpyn.

- Tóreshilerdiń sheshimimen kelisesiz be?

- Óz basym kelispeımin. Bizdiń Gena odan álde qaıda basymyraq boldy.

- Tóreshilerdiń bul sheshiminiń astarynda ne bar bolýy múmkin?

- Bul jaı jekpe-jek emes. Úlken shoý. Sondyqtan uıymdastyrýshylardyń óz oılary bar. Shoýdy uıymdastyrýshylardyń halyqty qaıtadan qyzyqtyrý, eliktirý sııaqty saıası oıyny jatyr. Osy arqyly taǵy da úlken aqsha jasaý kerek bolýy ábden múmkin.

- Aldaǵy ýaqytta eki boksshy qaıtadan jolyǵýy múmkin be?

- Ábden múmkin, eki kompanııa qomaqty aqshaǵa kelisip jatsa, bári de múmkin. Qazir kásipqoı boks tap-taza aqsha. Úlken atys oıyny. Sondyqtan jyl jańalanbaı, qos boksshy qaıta jolyǵyp jatsa tańqalmaımyz.

- Áńgimeńizge rahmet!