Golovkın - Alvares jekpe-jegi qalaı aıaqtalady - Ermahan Ybyraıymovtyń boljamy
«Endi, Alvarestiń bizge qandaı syılyq daıyndap jatqanyn bir qudaı biledi. Degenmen, meksıkalyq boksshy jyldam, aıaqpen jaqsy jumys isteıdi. Olımpıadalyq boksta, kóbinese, ary-beri qozǵalyp, sekirip júredi ǵoı. Sol sııaqty Alvares osy joly da jyldam qımyldap, Golovkınniń soqqylaryn darytpaýǵa tyrysady, taǵy ekinshi nómirmen bokstasady», - dedi E.Ybyraıymov QazAqparat tilshisine bergen suhbatynda.
Onyń oıynsha, aldaǵy jekpe-jekte boksshylardyń bireýi mindetti túrde jeńiske jetedi. «Bul joly teń esep bolmaıdy. Gennadıı bapkerler bergen aqyl-keńesterdi sátti oryndasa, jeńip shyǵady», - dep atap kórsetti E.Ybyraıymov.
Aıta keteıik, jaqynda Sochıde ótken Halyqaralyq boks forýmy kezinde Olımpıada chempıony Ermahan Ybyraıymov óz shákirti Gennadıı Golovkınmen kezdesip, Alvareske qarsy aldaǵy jekpe-jekke qatysty óz aqyl-keńesin aıtty.
