Golovkın-Alvares jekpe-jegi bolýy múmkin taǵy bir kún ataldy

ASTANA. QazAqparat - Qazaqstandyq boksshy Gennadıı Golovkın (37-0-1, 33 KO) men meksıkalyq Saýl Alvares (49-1-2, 34 KO) revansh ótkizý boıynsha kelissózderdi jalǵastyrýda, dep habarlaıdy Sports.kz.

Jarys ótkizilýi yqtımal kún retinde 5 mamyr atalýda. «Sınko de maıo» - Meksıka tarıhyndaǵy ataýly kúnderdiń biri. Búl kúni, ıaǵnı 1862 jyly Meksıka áskerleri Pýebl mańyndaǵy shaıqasta jeńiske jetti. Meksıkamen qatar bul merekeni AQSh-tyń ońtústik shtattaryndaǵy latyn amerıkasy turǵyndary da atap ótedi.

Sondaı-aq Sportsday.com saıtynyń málimetterinshe, «Kanelo» kezdesýdi 16 qyrkúıekke aýstyrýǵa kelisýi múmkin. Basylym atalmysh datanyń el úshin orny erekshe ekenin jazady. 16 qyrkúıek - Meksıkanyń táýelsizdik kúni.

Aıta keteıik, alǵashqy Golovkın-Alvares kezdesýi 16 qyrkúıekte Las-Vegasta ótken edi.