Golovkın - Alvares jekpe-jegi boks álemi úshin qajet - Abel Sanches
ASTANA. QazAqparat - Bapker Abel Sanches qazaqstandyq Gennadıı Golovkın men meksıkalyq Saýl "Kanelo" Alvares arasynda jekpe-jek ótetinine senim bildirdi, dep habarlaıdy Vesti.kz saıty.
"Komanda retinde Golovkın-Alvares jekpe-jegine ótetinine senimdimiz. Bul boks álemi úshin qajet. Oskar De La Hoııa (Alvarestiń promoýteri) sózinde turady dep oılaımyn. Bizdiń promoýter Tom Leffler kelissóz úzilmegenin aıtty, bul jaqsylyqtyń nyshany. Ne bolaryn kúteıik. Bul jekpe-jektiń ótýin suraýdan taımaımyz", - dedi Sanches ESPN Deportes basylymyna bergen suhbatynda.
Eske salaıyq, Golovkın men Djeıkobs arasyndaǵy jekpe-jek 18 naýryzda Nıý-Iorktegi Madison Square Garden arenasynda ótedi. Qazaqstanda jekpe-jek "Qazaqstan" jáne KazSport arnalarynan kórsetiledi. Al Alvares mamyr aıynda jerlesi Hýlıo Sezar Chavespen judyryqtasady. De La Hoııa Golovkın men "Kanelo" 2017 jyldyń qyrkúıeginde sharshy alańǵa shyǵady dep ýáde bergen bolatyn.
