Golovkın-Alvares jekpe-jegi bel ortasynan asty

ASTANA. QazAqparat – Las-Vegastaǵy T-Mobile Arena stadıonynda ótip jatqan Gennadıı Golovkın men Saýl Alvares arasyndaǵy 12 raýndtyq boks jekpe-jeginiń 6 raýndy aıaqtaldy, dep habarlaıdy QazAqparat tilshisi.

«GGG» men «Kanelo» arasyndaǵy úshinshi kezdesý bel ortasyna jetti. Ázirshe sportshylardyń birine aıqyn basymdyq berýge erte. Tartysty aıqasta eki sportshy da janyn salyp judyryqtasyp jatyr.

Besinshi raýnd qorytyndysy boıynsha, tóreshilerdiń bári «Kanelonyń»basym kele jatqanyn tirkedi.

Eske salsaq, «GGG-Kanelo» trılogııasyn «Qazaqstan» jáne «Qazsport» telearnalary tikeleı efırde kórsetip jatyr.

Golovkın boxingnews24.com saıtyndaǵy suhbatynda jankúıerler qalasa, Saýl Alvarespen tórtinshi jekpe-jekke de shyǵýǵa ázir ekenin málimdegen.

Soǵan qaramastan, Golovkınniń keıingi 4 jekpe-jegine strımıng qyzmetin usynyp kelgen DAZN kompanııasy josparlanǵan alty boks keshiniń erteńgi besinshisinen keıin «GGG»-men aradaǵy kelisimshartty toqtatyn boldy.

Golovkın-Alvares boks keshinde taǵy bir qazaqstandyq óner kórsetedi. 27 jastaǵy Álı Ahmedov amerıkalyq Gabrıel Rosadony (26-15-1, 15KO) jeńdi.