Golovkın - Alvares jekpe-jegi 2016 jyldyń eń tartysty aıqasy bolmaq
ASTANA. QazAqparat - Badlefthook.com amerıkalyq saıty Gennadıı Golovkın - Saýl Alvarestiń bolýy múmkin jekpe-jegi 2016 jyldyń eń tartysty aıqasy bolatynyn aıtty, dep jazdy Sports.kz.
«Alvares Mıgel Kottony jeńgen kezde óziniń erekshe myqtylyǵyn dáleldeı aldy, alaıda onyń Gennadıı Golovkınmen aıqasýǵa ázirmin degen sózine qaramastan, Golden Boy tarapynan bul aıqasty uıymdastyrýǵa kelgende sál-pál batylsyzdyq baıqaldy. Alvares 7 mamyrda aıqas alańyna shyǵýy tıis, bul kúni Golovkınmen jekpe-jek uıymdastyrsa, keremet bolar edi. Alaıda bul eger «Kanelo» shynymen talap etken jaǵdaıda ǵana bolmaq. Promoýter Oskar De La Hoıa óziniń basty juldyzyn qorǵaǵysy keletini de jasyryn emes, alaıda Alvarestiń jaǵdaıy da eger onyń qalaýynda bolsa, dál qazir Golovkınmen aıqasty talap etý múmkindigin beredi.
Alvaresti tolyqqandy 160 fýntta judyryqtasqanyn kórý keremet bolar edi. Ózim aralyq sanat máselesi boıynsha asa alańdamaımyn, alaıda ıdealda ortasha salmaqtaǵy chempıondyq osy sanat sheginde anyqtalýy tıis, bul adamdardyń shaǵymyn da azaıtar edi. Boksta shaǵymdanatyndaı jaǵdaılar onysyz de jetip asady, - dep jazdy materıal avtory.
