Golovkın - Alvares úshinshi jekpe-jegi qaıda ótýi múmkin

NUR-SULTAN. QazAqparat - Gennadıı Golovkın men Saýl «Kanelo» Alvarestiń úshinshi jekpe-jegin uıymdastyrýǵa jaýapty promoýter Eddı Hırn kezdesý ótetin orynǵa qatysty málimetpen bólisti, dep habarlaıdy QazAqparat Sports.kz saıtyna silteme jasap.

Golovkın men Alvarestiń rıngtegi sońǵy eki kezdesýi Las-Vegastaǵy T-Mobile arenasynda ótken bolatyn. Hırnniń aıtýynsha, 17 qyrkúıektegi úshinshi jekpe-jektiń ótkizilýine basty kandıdat – osy qala.

Sondaı-aq promoýter qarsylastardyń ár qalada press-týr ótkizetinin aıtty. Eske salsaq, birinshi jekpe-jek aldynda GGG men Kanelo London, Los-Andjeles jáne Nıý-Iorkke saparlaǵan edi.

«Jýyrda úshinshi jekpe-jektiń press-týry jarııalanady.

Meniń oıymsha, buǵan basty úmitker qala – Las-Vegas, biraq bul jekpe-jekke degen qyzyǵýshylyq óte joǵary. Bizge Amerıkadan tys jerlerden de usynystar tústi. Sheshimdi kelesi eki aptanyń ishinde qabyldaımyz», - dedi Hırn IFL TV-ge bergen suhbatynda.