Golovkın Alvares týraly pikirimen bólisti
ASTANA. QazAqparat - Orta salmaqta WBA Super, IBF jáne IBO tıtýldarynyń ıegeri Gennadıı Golovkın (34-0, 31 KO) Meksıkanyń osy salmaqtaǵy álem chempıony Saýl Alvarespen (46-1-1, 32 KO) kútilip otyrǵan jekpe-jegi týraly oılarymen bólisti.
Eske sala keteıik, buǵan deıin boksshylardyń komandalary eki sportshynyń tıtýldarynyń aralyq qorǵaýyn ótkizetini, al 2016 jyldyń qyrkúıeginde bir-birimen kezdesetini týraly kelisim ornatqan.
«Árıne, men Saýlmen aıqasqym keledi. Ózimdi bylaı qoıǵanda, bul jekpe-jekti jurttyń barlyǵy kútip júr. Ol óte myqty boksshy jáne Mıgel Kottomen jaqsy judyryqtasty. Budan basqa, Floıdqa (Meıýeızer) 12-raýndtyq qarsylasýdan baǵaly tájirıbe jınaqtady. Qazir Alvarestiń jaǵdaıy birneshe jyl buryn ýaqytpen salystyrǵanda áldeqaıda táýir», - degen Gennadııdiń sózderin keltiredi Boxingscene.
