Golovkın - Alvares revanshynyń erekshelikteri qandaı

ASTANA. QazAqparat - Amerıkalyq Tru Boxing Headz ınternet basylymynyń sholýshysy Roberto Montano túrli tujyrymdar boıynsha orta salmaqtaǵy álem chempıondary Gennadıı Golovkın men Saýl Alvares arasyndaǵy ekinshi aıqastyń nasıhattalýyna baǵa berdi. Bul týraly Sports.kz habarlaıdy.

«Bul jekpe-jek qaladan qalaǵa baryp, keńinen nasıhattaýdy qajet etpeıdi dep oılaımyn. Boksshylar kampanııany bastaý úshin betpe-bet kezdesýi tıis. Bul jekpe-jekke sol kúnge promoýshn qajet emes dep esepteımin. Suhbat báribir bolady, jurtshylyqqa málimet te beriledi. Halyq vıdeo men boksshylardyń aıtqan sózderin talqylaıdy», - dedi jýrnalıst.