Golovkın-Alvares revanshy úshin qolaıly oryn belgili boldy

ASTANA. QazAqparat - Boxingnews24.com jýrnalısi Den Embroýz qazaqstandyq boksshy Gennadıı Golovkınniń meksıkalyq Saýl Alvareske qarsy qarymta jekpe-jekti ótkizý úshin taptyrmas oryndy atady, dep habarlaıdy Sports.kz.

«Golovkınniń Alvareske qarsy revansh ótkizýge qolaıly jáne minsiz oryn - Nıý-Iork. Shyǵys Eýropadan kelgen kóptegen boks jankúıerleri Nıý-Iorkte turady, sondyqtan Las-Vegas nemese Tehasqa qaraǵanda eki boksshynyń da jankúıerler sany teń bolar edi. Ókinishke oraı, «Kanelo» men Golden Boy-dyń jekpe-jekti Nıý-Iorkte ótkizýge kelisim bere qoımas. Sebebi olar ózderiniń basty artyqshylyqtarynyń birinen - ózine qolaıly oryn tańdaý múmkindiginen aıyrylady», - dep esepteıdi avtor.

Eske salaıyq, Golovkın men Alvares promoýterleri revansh týraly kelissózder júrgizip jatyr. Aıqas kelesi jyldyń 5 mamyrynda ótedi dep kútilýde. Golovkınniń komandasy qazir Dallasta, olar jekpe-jekti ótkizý múmkindikterin qarastyrýda.