Golovkın-Alvares rematchy: Anderkartta kimder judyryqtasady

ASTANA. QazAqparat - ESPN sarapshysy jáne jýrnalıst Den Rafael 15 qyrkúıekte Gennadıı Golovkın men Saýl Alvarestiń arasynda ótetin boks keshiniń TV-anderkatyna kimniń qatysýy múmkin ekendigi aıtyldy, dep habarlaıdy «SPORTINFORM» SAA.

«15 qyrkúıek kúni Las Vegastegi T-Mobile arenasynda ótetin Golovkın-Alvares arasyndaǵy boks keshine televızııalyq anderkart uıymdastyrylyp jatyr. Beısenbi kúni Golden Boy Promotions prezıdenti Erık Gomes ESPN-ge daıyndyq barysy shamamen 10 kúnniń ishinde aıaqtalýy múmkin ekenin aıtty», - dep jazdy Rafael.

Onyń aıtýynsha, Golden Boy eki televızııalyq anderkartty baqylap otyrǵan kórinedi.

Gomes meksıkalyq Haıme Mýngýııanyń (30-0, 25 nokaýt) orta salmaq dárejesindegi tıtýlyn saqtap qalý úshin Zanfer Promotions-pen jumys jasaıtynyn aıtty. Mýngýııa ótken senbide tóreshilerdiń Lıam Smıtke qarsy sheshimimen alǵash ret tıtýlyn qorǵap qaldy. Gomes basqa jekpe-jekte orta salmaqtaǵy  eks-chempıon  Davıd Leme (39-4, 33 nokaýt) men Garı «Spaık» O'Sallıvan (28-2, 20 nokaýt) arasyndaǵy aıqasqa qatysty jumys jasaýda. Golovkınniń promoýteri Tom Leffler taǵy bir televızııalyq jekpe-jekti baqylap otyr jáne ol burynǵy R4R koroli, Romannyń tórt dúrkin chempıony «Chokolatıto» Gonsalesti (46-2, 38 nokaýt) tartýǵa nıetti ekenin málimdedi. Gonsales asa jeńil salmaqtaǵy álem chempıony tıtýly úshin Srısaket Sor Rýngvısaımen ótken jekpe-jekten eki ret jeńilis tapqannan keıin rıngke qaıta kelýge tyrysyp júr.