Golovkın - Alvares kezdesýi «Jyldyń úzdik jekpe-jegi» atanýy múmkin

ASTANA. QazAqparat - The Ring jýrnaly 2017 jyldy eń úzdik jekpe-jegi ataǵyna laıyq boks kezdesýin atady, dep jazady Sports.kz .

Kestede kósh bastap turǵan jekpe-jekter qatarynda 16 qyrkúıekte Las-Vegasta ótken Genadıı Golovkın  (37-0-1, 33 KO) jáne Saýl Alvares (49-1-2, 34 KO) kezdesýi. Jekpe-jek daýly, teń nátıjemen aıaqtalǵan bolatyn. Alaıda, boks álemindegi sarapshylardyń basym bóligi jeńis GGG jaǵynda bolǵanyn aıtady.

«Jankúıerlerdiń kóbi narazylyq tanytty, keremet boks keshi boldy. «Kanelo» shabýyldar jasaı bildi, Golovkın onyń tegeýrinine tótep berip qana qoımaı, birneshe raýnd qatarynan jeńip kele jatty. «Kanelo» jaqsy qorǵana bildi», dep jazady The Ring

«Jyldyń úzdik jekpe-jegi» ataǵyna úmitkerler qatarynda myna juptar bar:

Entonı Djoshýa - Vladımır Klıchko, Vısaksıl Vangek - Roman Gonsales, Mıgel Berchelt - Fransısko Vargas jáne Mıgel Roman - Orlando Salıdo.