Golovkın-Alvares kezdesýi 2017 jyly ótetin úzdik jekpe-jekterdiń kóshin bastady

ASTANA. QazAqparat - Los Angeles Times basylymynyń jýrnalısi Lens Pagmaır kelesi jyly uıymdastyrýǵa bolatyn eń úzdik 5 boks kezdesýi týraly aıtyp berdi, dep habarlaıdy Sports.kz.

Tizimde birinshi kezekte osyǵan deıin de uıymdastyrylady dep kútilgen Gennadıı Golovkın men Saýl Alvares arasyndaǵy kezdesý tur.

«Oskar De La Hoıa 2017 jyly Alvares orta salmaqtaǵy álem chempıonynyń úsh basty tıtýldarynyń ıegerimen kezdesýge daıyn bolady dep ýáde etken bolatyn. Qalyń kópshiliktiń erekshe nazaryn aýdaratyn atalmysh kezdesýden bas tartýdyń qazir eshqandaı reti joq»,-dep jazdy sholýshy.

Sonymen qatar eń úzdik kezdesýderdiń qataryna Karl Frempton - Leo Santa Krýz, Floıd Meıvezer - Mennı Pakıao, Roman Gonsales - Karlos Kýadras ı Andre Ýord - Sergeı Kovalevtyń kezdesýi kirdi.