«Golovkın-Alvares» boks keshinde taǵy bir qazaqstandyq óner kórsetedi

NUR-SULTAN. QazAqparat – Golovkın-Alvares jekpe-jeginiń anderkartynda qazaqstandyq boksshy Álı Ahmedov (18-1, 14KO) óner kórsetedi, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, 27 jastaǵy Álı Ahmedovtiń qarsylasy – Amerıka ókili Gabrıel Rosado (26-15-1, 15KO).

Boksshylar IBF-tiń «sýperamerıkalyq» beldigi jáne WBC Silver-diń sýper orta salmaqtaǵy tıtýly úshin baq talastyrady.

Jekpe-jek aldynda Ahmedov pen Rosado dástúrli kóz arbasý rásimin ótkizdi.

Buǵan deıin habarlaǵanymyzdaı, Golovkın men Alvares Las-Vegasta jekpe-jek aldyndaǵy sońǵy baspasóz máslıhatyna qatysyp, dástúrli kóz arbasý rásimin ótkizdi.

Eske salaıyq, Golovkın-Alvares jekpe-jegi 18 qyrkúıek kúni (astana ýaqytymen) Las-Vegastyń (SShA) T-Mobile Arena kesheninde ótedi.

Qazaqstandyqtar boks keshin «Qazaqstan» jáne «Qazsport» telearnalarynan tikeleı efırden kóre alady. Bastalýy – 18 qyrkúıek, saǵat 05:00. Basty aıqas shamamen 08.00-de bastalady.

Foto: instagram.com/ali_akhmedov_officialpage