Golovkın-Alvares aıqasynyń arnaıy beldigi kimge beriledi

ASTANA. QazAqparat - Búkilálemdik boks keńesi (WBC) Gennadıı Golovkın men Saýl Alvares (49-1-2, 34 KO) arasyndaǵy revanshtyń jeńimpazyna arnaıy beldik ázirleý jóninde sheshim qabyldady,  dep habarlaıdy «SPORTINFORM» SAA.

Meksıkalyqtyń dopıng testi nátıjesine baılanysty 5 mamyrǵa josparlanǵan jekpe-jek ótpeı qalǵan jaǵdaıda WBC prezıdenti Maýrısıo Sýleıman beldiktiń kimge buıyratynyn jarııa etti.

Onyń aıtýynsha, 2 mamyrda tómengi salmaq dárejesinde Taılandta jergilikti chempıon Vanheng Menaıotın (49-0, 17 KO) tıtýlyn qorǵaý úshin panamalyq orta salmaqtaǵy boksshy Leroe Estradamen (16-2, 6 KO) kezdesedi. Sol jerde kim jeńse arnaıy beldikti sol ıelenedi.

«Bizde osy beldikke qatysty kóptegen oı boldy. Sol úshin onyń úsh nusqasynyń syzbasyn ázirlep, jankúıerlerge unaǵanyn tańdamaq boldyq. Alaıda Nevada shtatynyń atletıkalyq komıssııasy dopıngke qatysty tyńdaýdy 10 sáýirden 18-ine aýystyrǵanyna qarap, revanshtyń ótkizilmeýi úshin barlyǵy jasalyp jatqanyn uqtyq», - deıdi Maýrısıo Sýleıman.

Onyń aıtýynsha, 5 mamyrda Golovkın men Alvares rıngte jolyqpasa beldik Taılandqa jóneltiledi.

«Vanheng Menaıotın chempıondyq  tıtýlyn qorǵaıtyn jekpe-jekke beldikti jetkizemiz. Eger ol jeńiske jetip jatsa bul onyń 50-0 rekordy bolar edi», - dedi Sýleıman.