Golovkın-Alvares aıqasyn kórýge kelgen jurt uzyn-sonar kezekte tur

ASTANA. QazAqparat - Las-Vegastyń T-Mobile Arena-synda ótetin Gennadıı Golovkın (37-0, 33 KO) men Saýl Alvarestiń (49-1-1, 34 KO) jekpe-jegin kórýge asyqqan boksúıer qaýym uzyn-sonar kezekke turýda.

Instagramdaǵy GGG.Team.Kz paraqshasynda sporttyq nysannyń metall tekseretin qurylǵylarynyń aldynda jınalǵan qalyń jurttyń fotosy jarııalandy.

Qazaqstanda jekpe-jekti «Qazsport» pen «Qazaqstan» arnalary kórsetedi. Boks keshi astana ýaqytymen tańǵy saǵat 06:00-de, al Golovkın men Alvarestiń aıqasy shamamen 08:50-de bastalady.