Golovkın-Alvares aıqasyn HBO-daǵy qaıtalaýdan qansha adam tamashalaǵan
ASTANA. QazAqparat - ESPN jýrnalısi Den Rafael Gennadıı Golovkın (37-0-1, 33 KO) men Saýlıa Alvares (49-1-2, 34 KO) jekpe-jeginiń HBO arnasyndaǵy qaıtalaýyn qansha adam kórgenin málimdedi, dep habarlaıdy Sports.kz.
Rafaeldiń aıtýynsha, telekórermenderdiń ortasha sany 726 myń adam bolsa, eń joǵary kórsetkish 840 myńǵa jetken.
Eske sala ketsek, Golovkın - Alvares jekpe-jegi 16 qyrkúıek kúni Las-Vegasta ótip, teń nátıjemen aıaqtalǵan bolatyn. Taraptar revansh ótkizý týraly kelissózder júrgizýde, ol keler jyldyń mamyrynda uıymdastyrylýy múmkin.
