Golovkın - Alvares aıqasy nokaýtpen aıaqtalady - Oskar de la Hoııa
ASTANA. QazAqparat - Saýl Alvarestiń (49-1-1, 34 KO) promoýteri Oskar de la Hoııa Hot 97 radıostantsııasynyń efırinde Gennadıı Golovkınmen (37-0, 33 KO) aldaǵy aıqasqa qatysty pikir bildirdi, dep habarlaıdy Sports.kz.
«Bul tym kúshti aıqas bolady, tartysty segiz raýndy kútilýde. Toǵyz nemese on bolýy da múmkin. GGG «Kanelony» nokaýtqa túsire alady dep oılaımyn. Biraq «Kanelonyń» da kúshi sondaı, sondyqtan ol da Golovkındi nokaýtqa jibere alady. Eger ol úlken bir panch berse, GGG-ge qaıyrly tún tileı alady! Bul aıqastyń nokaýtpen aıaqtalatyny aıdan anyq», - dedi De la Hoııa.
Golovkın - Alvares aıqasy 16 qyrkúıek kúni (Qazaqstanda - 17 qyrkúıekte) Las-Vegasta ótedi.
