Golovkın-Alvares anderkartynda jekpe-jekke shyǵatyn úsh jup belgili boldy

ASTANA. QazAqparat - 15 qyrkúıekte Las-Vegaste ótetin Gennadıı Golovkın- Saýl «Kanelo» Alvares arasyndaǵy boks keshi anderkartynyń jańa qatysýshylary belgili boldy, dep habarlaıdy Sports.kz.

Roman Gonsales - Moızes Fýentes jekpe-jeginen bólek boksshylardyń taǵy da úsh toby jasaqtaldy. Atap aıtqanda, ırlandııalyq Gerı O'Sallıvan kanadalyq Davıd Lememen judyryqtasady, al  WBO nusqasy boıynsha orta salmaqtaǵy álem chempıony meksıkalyq Haıme Mýngııa Kanadanyń taǵy bir ókili Brendon Kýkpen kezdesetin boldy. Jartylaı orta salmaqtaǵy absolıýttik chempıon norvegııalyq Sesılııa Brekhýs polshalyq Aleksandr Magdzıak Lopespen kúsh synasady.

2015 jyly Davıd Leme Gennadıı Golovkınnen ýaqytynan buryn jeńilgen edi, al Brendon Kýn ótken jyly Astanada otandasymyz Qanat Islamnan tehnıkalyq nokaýtpen utylǵan bolatyn.