Golovkın AQSh-tyń batys jaǵalaýyn «jaýlamaq»
ASTANA. QazAqparat - Bokstan WBA nusqasy boıynsha chempıon - qazaqstandyq Gennadıı Golovkın kelesi jekpe-jegin AQSh-tyń batysyndaǵy Los-Andjeles qalasynda ótkizbekshi, dep jazady Sports.kz.
«Kelesi kezdesýdi Los-Andjeleste ótkizýdiń múmkindikterin qarastyryp jatyrmyz», - deıdi Tom Leffler. - Biz ylǵı da Genanyń batys óńirde bokstasqanyn qalaıtynbyz. Onsyz da ol kalıfornııalyq Big Bear bazasynda jattyǵady. Budan bylaı Gennadııdiń AQSh-tyq jankúıerleriniń qataryn arttyrýdy kózdep otyrmyz, qazirdiń ózinde shyǵysta olardyń sany az emes».
Aıta keteıik, jerlesimiz osy kúnge deıin AQSh-ta óziniń 5 jekpe-jegin ótkizip úlgerdi. Onyń 4-eýi Nıý-Iorkte, 1-eýi Konnektıkýtta ótti.
Sondaı-aq, GGG-niń jaqyn arada kelesi kezdesýiniń ýaqyty jarııalanady dep josparlanýda. Boljam boıynsha, ol qazan-qarasha aılarynda ótedi. Qarsylasy áli anyqtalǵan joq. Bir anyǵy, IBF chempıony - avstralııalyq Sem Solıman da, WBC chempıony - pýertorıkalyq Mıgel Kotto da bul kezdesýde qarsylas bolmaıdy.
