Golovkın 5 mamyrda rıngke shyqpasa ne bolady

ASTANA. QazAqparat - Boxingnews24.com tilshisi Djım Daýer qazaqstandyq boksshy Gennadıı Golovkınniń (37-0-1, 33 KO) bolashaǵy men 5 mamyrda bolýy múmkin jekpe-jegine qatysty pikir bildirdi, dep jazady Sports.kz.

«Lefflerdiń Derevıanchenko men Dı Belloımen kelisimge kelý múmkindigi óte tómen, sondyqtan da ol IBF  belbeýin bermeıinshe 5 mamyrda jekpe-jekke shyǵa almaıdy. Eger ol tıtýldan bas tartsa, onda ol osy jekpe-jekke kelisim bergen Martırosıanommen sharshy alańda kezdese alady. Sondyqtan da belbeýler sanyn tolyqtyrýdy armandaıtyn boksshylar úshin bul ýaqytty zaıa ketirý bolmaq. Eger Golovkın qyrkúıek aıyna deıin rıngke shyqpaıtyn bolsa, onda ol bárin durys istese de sporttan ýaqytsha shettetilgen «Kanelonyń» karerasy sııaqty qurdymǵa ketedi. Bul jaǵdaıda Golovkın kóp zardap shegip otyr.  Golovkın óziniń belbeýin jeńip alý úshin tynbaı eńbek etti, alaıda erte me, kesh pe chempıondar ony  qorǵaýy tıis», - dep jazady avtor.