Gollıvýdtyń akteri musylman dinin qabyldady
ASTANA. 16 qazan. QazAqparat - Belgili ırland akteri Lıam Nıson jýyqta Túrkııaǵa barǵan saparynda óziniń ańsaǵan armanyna qol jetkizip, Islamdy qabyldady. Bul týraly BAQ.KZ jazady.
Onyń Islamdy qabyldaýǵa nıet etkeni buryn buqaralyq aqparat quraldarynda jarııalanǵan bolatyn. «Men katolık dinin kóp zerdeledim. Sóıtse de keıbir saýaldardyń jaýabyn tappaǵan edim. Myna ómirge ne úshin keldik jáne álemniń jaratylý maqsaty qandaı degen ózimdi tolǵandyrǵan saýaldarǵa jaýapty Islamnan taptym», - dedi ol aǵynan jarylyp.
Osydan biraz jyl buryn «Islamdy qabyldaýym múmkin» degendi aıtyp qalǵan 58 jastaǵy akter jýyqta Túrkııaǵa barǵan saparynda azan daýsyn estip, túpkilikti sheshimge keldi, dep habarlaıdy «Iran radıosy».
«Namaz janyma jaıly áser etti, erekshe sezim syılady. Túrkııada júrgenimde namaz jaıly rolık kórip, onyń áserin óz basymnan ótkerdim», - deıdi Nıson.
Soltústik Irlandııadaǵy katolık otbasynda dúnıege kelgen ol balalyq shaǵynda jergilikti shirkeýde qyzmet etedi. Tipti, akterdiń esimi de áldebir svıaşennıktiń qurmetine qoıylǵan eken.
«Alǵashqy aptada kúnine bes ýaqyt namaz oqý maǵan qıyn tıdi. Birte-birte namazdyń janyma jaıly áserin sezine bastadym ári keremet áser alatyn boldym», - dedi Nıson Islamdy qabyldaǵandaǵy alǵashqy áserimen bólisip.
Lıam Nıson - Brıtan ımperııasy ordeniniń kavaleri ári «Spısok Shındlera», «Zalojnıtsa», «Prızrak doma na holme», «Zvezdnye voıny», «Banda Nıý-Iorka», «Tsarstvo nebesnoe», «Hronıkı Narnıı», «Betmen: Nachalo», «Realnaıa lıýbov» jáne t.b. fılmder arqyly esimi elge belgili tulǵa.
