Gollıvýdtyq akter Edrıan Broýdı Astanada ótetin festıvalda «Jyrtqyshtar» fılmin usynady
STANA. Shildeniń 13-i. QazAqparat /Marlan Jıenbaı/ - Gollıvýdtyq akter, «Oskar» júldesiniń ıegeri Edrıan Broýdı Astana qalasyndaǵy Nomad shytyrman oqıǵaly kınofestıvalinde óziniń «Jyrtqyshtar» fılmimen óner merekesiniń shymyldyǵyn ashady. Shaǵyn festıvaldi ótkizý ıdeıasy bizdiń otandasymyz, rejısser ári prodıýser Erken ıAlgashevke tıesili.
«Bul sekildi festıvaldar longbeach pen Atlantic sityde ótkizildi, elordada ótkizilip otyrǵan festıval úshinshisi, biraq Qazaqstandaǵy alǵashqysy ári eń qysqasy. Biz ony Astanada ashamyz da, Almatyǵa aýysamyz, taǵy bir qala shaqyryp jatyr, biraq biz kelisimder júrgizý ústindemiz», - dedi baspasóz máslıhatynda E.ıAlgashev.
Kınoforýmnyń negizgi maqsaty - bizdiń elimizdi Batysta jarnamalaý. Festıval barysynda «Jumaqtaǵy kóleńkeler», «Sońǵy kúzetshi», reseılik «Shytyrman oqıǵa izdeýshiler» fılmderiniń kórsetilimderi boldy. Barlyq lentalar shildeniń 13-inde kórsetildi.
«Astana - tamasha qala, men Qazaqstannyń qanshama damyǵan memleket ekenine taǵy bir kýá boldym. Men bul jaqqa álemge Qazaqstan týraly jetkizý úshin jáne ózimniń jańa «Jyrtqyshtar» fılmimdi usynýǵa kelip otyrmyn. Bul fılm men úshin basqa deńgeıdegi týyndy», - dedi akter E.Broýdı.
Sondaı-aq, festıvalge Armand Assante, Mark Dakaskos, Lev Prygýnov, Garık Gasparıan, Anna Chýrsına syndy óner qaıratkerleri de keldi.
