Gollıvýdtik aktrısa Ja Ja Gabor qaıtys boldy
ASTANA. QazAqparat - Jeksenbi kúni, 18 jeltoqsanda Los-Andjeleste (Kalıfornııa shtaty) gollıvýdtik aktrısa Ja Ja Gabor baqılyq boldy. Ol 99 jasqa qaraǵan shaǵynda júrek talmasynan kóz jumdy, dep habarlaıdy Lenta.rý.
Gabor Bel-Eır aýdanyndaǵy óz úıinde qaıtys boldy. Variety portalynyń habarlaýynsha, aktrısany aýrýhanaǵa jetkizgende, dárigerler onyń kóz jumǵanyn anyqtaǵan. Sońǵy jyldary Gabor aýrýhanaǵa jıi tústi. 2016 jyly aqpan aıynda ókpe juqpasymen aýrýhanaǵa jatqyzyldy. 2011 jyly mamyr aıynda pnevmonııa aýrýy asqynǵan aktrısa Los-Andjeles aýrýhanasynyń jansaqtaý bólimine tústi.
2010 jyldyń qarasha aıynda aktrısanyń aıaǵynan tromb, keıinirek gangrena taýyp, oń aıaǵyn kesip alyp tastaýǵa týra keldi.
Ja Ja Gabor 1917 jyly 6 aqpanda Býdapeshte dúnıege kelgen. Ol Gollıvýdtaǵy kıno mansabyn 1952 jyly bastaǵan. Aktrısanyń eń úzdik rólderiniń biri - «Mýlen Rýj» melodramasyndaǵy bıshi Janna Avrıl. Gabor ózge de «Vrag obşestva №1», «Pechat zla», «Derevenşına v Beverlı-Hıllz» jáne «My ne jenaty!» fılmderinde de oınady.
Gabor toǵyz ret turmysta boldy, jeti ret ajyrasty. Bir neke zańsyz tabyldy. Onyń jalǵyz qyzy Francheska Hılton 2015 jyly 5 qańtarda 67 jasynda dúnıe saldy.
