Gollıvýdta «Oskar» nomınanttary jarııalandy

ASTANA. KAZINFORM – 22 qańtar kúni Gollıvýdta 98-shi «Oskar» syılyǵy nomınanttarynyń tizimi jarııalandy. Bıylǵy kınoakademııa marapattardy 24 sanat boıynsha tabystaıdy. Olardyń árqaısysynda dástúrli túrde on fılm qatysatyn negizgi «Úzdik fılm» sanatynan basqa bes nomınant bar, dep habarlaıdy DW. 

Marapattaý rásimi 2026 jyldyń 15 naýryzynda Los-Andjelestegi Dolby Theatre-da ótedi jáne 200-den astam elde tikeleı efırde kórsetiledi. 

«Úzdik fılm» ataǵy úshin on fılm baq synaıdy: 

1. «Býgonııa» («Bugonia») — rejısseri Iorgos Lantımos 
2. «Formýla-1» («F1») — rejısseri Djozef Kosınskı 
3. «Frankenshteın» » («Frankenstein») — rejısseri Gılermo del Toro 
4. «Gamnet» («Hamnet») — rejısseri Hloıa Chjao 
5. «Ǵalamat Martı» («Marty Supreme») — rejısseri Djosh Safdı
6. «Bir shaıqastan keıin ekinshi shaıqas» — rejısseri Pol Tomas Anderson 
7. «Qupııa agent» («The Secret Agent») — rejısseri Kleber Mendonsa Fılo
8. «Sezimtal qundylyq» («Sentimental Value») — rejısseri Ioakım Trıer 
9. «Kúnáharlar» («Sinners») — rejısseri Raıan Kýgler 
10. «Arman poıyzdary» («Train Dreams») — rejısseri Klınt Bentlı

«Úzdik rejıssýra» ataǵyna úmitkerler: 

1. «Gamnet» («Hamnet») — rejısseri Hloıa Chjao 
2. «Ǵalamat Martı» («Marty Supreme») — rejısseri Djosh Safdı
3. «Bir shaıqastan keıin ekinshi shaıqas» («One Battle After Another») — rejısseri Pol Tomas Anderson 
4. «Sezimtal qundylyq» («Sentimental Value») — rejısseri Ioakım Trıer
5. «Kúnáharlar» («Sinners») — rejısseri Raıan Kýgler

«Úzdik derekti fılm» syılyǵy úshin talasatyn kartınalar arasynda «Alabama sheshimi» » («The Alabama Solution») — rejısseri Endrıý Djarekı, «Meni jaqsy jaǵynan kór» («Come See Me in the Good Light»)- rejısseri Raıan Ýaıt, «Jartastar kesip» («Cutting Through Rocks») — rejısseri Sara Hakı, «Minsiz kórshi» («The Perfect Neighbor») — rejısseri Gıta Gandbır) jáne basqa da fılmder bar.

Rejısser Raıan Kýglerdiń «Kúnáharlar» («Sinners») fılmi nomınatsııalar sany boıynsha absolıýtti kóshbasshy boldy. 16 nomınatsııa! Amerıkalyq kınoakademııa tarıhynda basqa eshbir fılm sonshalyqty kóp júlde alǵan emes.

Budan basqa, nomınatsııalar sany boıynsha kósh bastap turǵan basqa fılmderdiń qatarynda «Bir shaıqastan keıin ekinshi shaıqas», «Úzdik fılm» jáne «Shetel tilindegi úzdik fılm» sanatynda músinshege úmitker «Sezimtal qundylyq», «Kúnáharlar» jáne «Ǵalamat Martı» fılmderi bar.

Nomınanttardyń tolyq tizimin marapattyń resmı saıtynan kórýge bolady.

Jeńiske basty úmitkerler 

«Altyn globýs» marapattary dástúrli túrde bolashaq «Oskar» jeńimpazdaryn tańdaýdyń negizgi kórsetkishi bolyp sanalady. Bıyl olar maýsymnyń eń úzdik úmitkerlerin anyqtady.

Marapattaý rásiminde eń kóp talqylanǵan taqyryptardyń biri — «Shaıqastan soń shaıqas» fılminde qartaıǵan búlikshiniń basty rólin somdaǵan Leonardo Dı Kaprıo men «Ǵalamat Martın» sporttyq dramasyndaǵy róli úshin Tımotı Shalame arasynda «Úzdik akter» nomınatsııasy boıynsha talasy boldy.

«Úzdik akter» nomınatsııasyn Shalame jeńip aldy, kóptegen kınosynshylar muny «Oskar» úshin belgi retinde qabyldady.

«Altyn globýstarlyń» basty trıýmfatory Pol Tomas Andersonnyń «Shaıqastan soń shaıqas» fılmi boldy. Ol mıýzıkl nemese komedııa sanatynda úzdik fılm, rejıssýra jáne stsenarıı» úshin marapattarǵa ıe boldy, sondaı-aq Tııana Teılorǵa ekinshi plandaǵy aktrısa syılyǵyn ákeldi. Fılm «Oskar» nomınatsııalary tiziminde kósh bastady.

Júldege usynylýy múmkin fılmderdiń qatarynda Hloıa Chjaoponyń Meggı O’Farreldiń romany boıynsha túsirilgen, Djessı Baklı men Pol Meskaldyń akterlik jumystary joǵary baǵaǵa ıe bolǵan «Gmanet» dramasy, Kleber Mendons Fılonyń «Qupııa agent» saıası trılleri jáne Stellan Skarsgard «Altyn globýs» syılyǵyn jeńip alyp, Eýropalyq kınoakademııanyń syılyǵyna ıe bolǵan «Sezimtal qundylyq» fılmderi bar.

«Oskar» jańalyqtary

Bıylǵy jańa «Úzdik kastıng» sanaty bólek nazar aýdartyp otyr Kınokademııada akterler men aktrısalardy tańdaý fılmniń tabysynda mańyzdy ról atqaratynyn atap ótti jáne osy sanatta «Úzdik fılm» nomınatsııasyna úmitkerlerdiń kóbi usynylatyny kútilip otyr. 
Osy maýsymnyń taǵy bir ereksheligi — daýys berý erejeleriniń qataıtylýy. Akademııa músheleri daýys beretin fılmderdi shynymen kórgenin rastaýy kerek. Uıymdastyrýshylardyń pikirinshe, bul protsesti ashyq etýi tıis.