Gollıvýdta qazaqstandyq boksshy jaıly fılm túsirilip jatyr
ASTANA. 12 naýryz. QazAqparat - Tanymal qazaqstandyq prodıýser, rejısser jáne stsenarıst Pıter Bermannyń «Krýtaıa petlıa» kitaby AQSh pen Gollandııada ótken jyly satylym boıynsha úzdikter qatarynda kóringen.
Osy kitaptaǵy tańǵajaıyp oqıǵalar jelisine qurylǵan kórkem fılm qazirgi kezde Gollıvýdta túsirilýde.
Ókinishke oraı kelisimshartta naqty atap kórsetilgenindeı, Pıter jobaǵa qatysty ózge aqparattardy tolyq jarııalaı almaıdy. Degenmen, romandaǵy qyzyqty oqıǵalar baı sıýjet pen tartymdy fılm jasaýǵa suranyp turǵandyǵyn joqqa shyǵarýǵa bolmaıdy, deıdi ol.
«Krýtaıa petlıa» asa daryndy jas qazaqstandyq boksshy jaıly jazylǵan týyndy. Ondaǵy keıipker áskerı barlaýdyń qupııa ofıtseri retinde shet elde qyzmet etedi. Oqıǵa jelisi ony ómirdiń barlyq qıyndyqtarynan ótýge májbúrleıdi: túrme, Otanyn satý, súıiktisinen aıyrylý, sońynda múgedek bolyp, baqyr tıynsyz qalýy...
Qalaı bolǵanda da fılm gollıvýdtyq klassıkalyq heppı-endterdiń birine aınalary sózsiz. ıAǵnı, keıipker murat-maqsatyna jetedi, dep jazady Baq.kz.
