Gollıvýd juldyzy Qazaqstannyń soǵys balalaryna kómektesýdegi kúsh-jigerine qoldaý kórsetti
«Oskar» syılyǵynyń ıegeri Forest Ýıtakermen bizdi ne baılanystyrady? Tanymal amerıkalyq akter ári rejısser - qarýly qaqtyǵystardan zardap shekken balalarǵa kómektesýdi jaqtaýshy, ıÝNESKO-nyń beıtishilik jáne tatýlyq jónindegi arnaıy elshisi, AQSh-taǵy Halyqaralyq beıbitshilik ınstıtýtynyń negizin qalaýshy. Búgin ol bizdi qoldaýǵa keldi jáne Nıý-Iorktegi BUU-nyń shtab-páterinde BUU-nyń qarýly qaqtyǵystarǵa qatystyrylǵan balalardy qaıta ıntegratsııalaý jónindegi dostary tobynyń birinshi otyrysynda sóz sóıledi», - dep jazdy Qazaqstannyń BUU-daǵy turaqty ókildiginiń keńesshisi Ánýar Jaınaqov Feısbýktegi paraqshasynda. 
QR SІM baspasóz qyzmetiniń málimetinshe, kezdesýge 40-qa jýyq BUU múshe-memleketteriniń, BUU Balalar qorynyń (ıÝNISEF), Dúnıejúzilik banktiń jáne túrli úkimettik emes uıymdardyń ókilderi qatysqan.
«Qazaqstan bizdiń eń qundy qazynamyz sanalatyn balalardyń, ásirese qarýly qaqtyǵystardan zardap shekken uldar men qyzdardyń qaýipsizdigi men ál-aýqatyn qamtamasyz etýge baǵyttalǵan barlyq halyqaralyq bastamalardy qoldaıdy», - dep atap ótti Qazaqstannyń BUU janyndaǵy Turaqty ókili Qaırat Omarov óz sózinde.
Ol sondaı-aq, balalardy reıntegratsııalaýdyń jańa tásildemesi olardyń qalypty ómirge sátti oralýyna ǵana emes, balalarǵa ózderiniń qaýymdaryna «oń ózgeristerdiń ókilderi» retinde qyzmet etýge múmkindik beredi dep atap ótti.
Aıta keteıik, Qazaqstan, Malta jáne Frantsııa birlesip basqaratyn Balalardy reıntegratsııalaý jónindegi BUU dostary toby 2018 jyldyń qyrkúıeginde BUU-da qurylǵan Reıntegratsııa boıynsha jahandyq koalıtsııanyń quramdas bóligi bolyp tabylady. Koalıtsııanyń túpki maqsaty - qarýly qaqtyǵystardan zardap shekken balalardy, onyń ishinde terorıstik uıymdarmen jaldanǵan burynǵy ásker balalardy, ádettegi ómirge qaıtarýdyń jańa, tıimdi ádisterin ázirleý.
«Bul máseleni sheshý úshin Koalıtsııa osy másele boıynsha zertteý júrgizý úshin búkil álemniń tanymal ǵalymdary men sarapshylaryn jumysqa tartty. Sonymen bir mezgilde múshe memleketter men BUU agenttikteri arasynda aqparat pen tájirıbe almasý júzege asyrylýda. Koalıtsııa jumysynyń nátıjeleri 2019 jyldyń qyrkúıeginde Nıý-Iorkte BUU Bas Assambleıasynyń 74-sessııasy sheńberinde joǵary deńgeıdegi is-shara barysynda álemdik qoǵamdastyqqa usynylatyn bolady», - dep málim etti SІM.
